ಶೀರ್ಷಿಕೆ – ಹೃದಯ ಮಂಥನ
ಮಾರನಂ ದಂಡಿಸಿರೆ ಗೌರಿಯಿಂ ಭಯವೇನು? ಚಾರುಸಹಕಾರಿಯವಳೆಂದು ಶಿವನೊಲಿದನ್ ಮೀರೆ ಮೋಹವನು ಸಂಸಾರದಿಂ ಭಯವೇನು? ದಾರಿ ಕೆಳೆಯದು ನಿನಗೆ – ಮಂಕುತಿಮ್ಮ|| 614 ||
ಹಾಲ ಕಾಯಿಸಿ ಹೆಪ್ಪನಿಕ್ಕಿ ಕಡೆದೊಡೆ, ಮೊದಲು ಮೇಲೆ ಕಾಣದ ಬೆಣ್ಣೆ ತೇಲಿ ಬರುವಂತೆ ಬಾಳನೀ ಜಗದ ಮಂತುವು ಕಡೆಯಲೇಳುವುದು ಅಳದಿಂದಾತ್ಮಮತಿ – ಮಂಕುತಿಮ್ಮ|| 615 ||
ಭುಕ್ತಿಪಥ ಮುಕ್ತಿಪಥ ಬೇರೆಬೇರೆಯವಲ್ಲ ಯುಕ್ತದಿಂದೆರಡುಮಂಚುಗಳೊಂದೆ ಪಥಕೆ ಸತ್ವಶೋಧನೆ ಲೋಕಸಂಸ್ಕಾರದಿಂ ನಿನಗೆ ಶಕ್ತಿಯುಧ್ಯಾತ್ಮಕದು – ಮಂಕುತಿಮ್ಮ|| 616 ||
ದ್ವನಿತ ಪ್ರತಿದ್ವನಿತ ಮನುಜಜೀವಿತವೆಲ್ಲ ಕುಣಿವುದವನೆದೆ ಜಗತ್ಪ್ರಕೃತಿ ಪಾಡುವವೊಲ್ ಇನಿದಕೊಲವಳಲಿಗನುತಾಪ; ಸೆಣಸಿಗೆ ಬೀರ ಘನಗರ್ಜಿತಗೆ ದೈನ್ಯ – ಮಂಕುತಿಮ್ಮ|| 617 ||
ಜಗದ ಸಂತಾಪ ಸಂತಸ ಸಂಭ್ರಮಗಳುಲಿ ಬಗಿದು ನರನೆದೆಯ, ಜೀವವ ಪಿಡಿದು ಕುಲುಕೆ ಸೊಗಯಿಪುದು ಮನಸಿಗದು ಕವಿಕಲಾರಸಿಕರ್ಗೆ ಜಗ ಸೂರ್ಯ ನೀಂ ಕಮಲ – ಮಂಕುತಿಮ್ಮ|| 618 ||
