ಶೀರ್ಷಿಕೆ – ಲೌಕಿಕ ತಪಸ್ಸು
ಆವ ಜೀವದ ಪಾಕವಾವನುಭವದಿನಹುದೋ ಆವ ಪಾಪಕ್ಷಯವದಾವ ಪುಣ್ಯದಿನೋ ಕಾವಿರದೆ ಪಕ್ವವಹ ಜೀವವಿಳೆಯೊಳಗಿರದು ನೋವೆಲ್ಲ ಪಾವಕವೋ – ಮಂಕುತಿಮ್ಮ|| 609 ||
ಕ್ಷುತ್ತುಮಮತೆಗಳು ಜೀವಕೆ ಕುಲಿಮೆಸುತ್ತಿಗೆಗಳ್ ಉತ್ತಮವದೆನಿಪುವುವು ಕಿಟ್ಟಗಳ ಕಳೆದು ಚಿತ್ತಸಂಸಾರಸಾಧನವಯ್ಯ ಸಂಸಾರ ತತ್ತ್ವ ಪ್ರವೃತ್ತಂಗೆ – ಮಂಕುತಿಮ್ಮ|| 610 ||
ಮನೆಯ ಮಠವೆಂದು ತಿಳಿ, ಬಂದು ಬಳಗವೆ ಗುರುವು ಅನವರತಪರಿಚರ್ಯೆಯವರೊರೆವ ಪಾಠ ನಿನಗುಳಿದ ಜಗವ ಮುತ್ತಿಪ ಸೇತು ಸಂಸಾರ ಮನಕೆ ಪುಟ ಸಂಸ್ಕಾರ – ಮಂಕುತಿಮ್ಮ|| 611 ||
ಕಾಷಾಯವೇಂ ತಪಸು? ಗೃಹಲೋಕನಿರ್ವಾಹ ವೇಷತಾಳದ ತಪಸು, ಕಠಿಣತರ ತಪಸು ಲೇಸಿನಿಂದದು ಸಾಗೆ ಬೇಕು ಶಮ ದಮ ಸಮತೆ ಅಸಿಧಾರವ್ರತವೋ – ಮಂಕುತಿಮ್ಮ|| 612 ||
ನಯನಯುಗದಿಂ ಜಗವ ಪೊರೆದು,ನಿಟಿಲಾಕ್ಷಿಯಿಂ ಲಯಪಡಿಸುವುದದೇನು ಶಿವಯೋಗಲೀಲೆ ಜಯಿಸಿ ಮದನನ ಬಳಿಕ ತನ್ನೊಡಲೊಳ್ ಉಮೆಯನ- ನ್ವಯಿಸಿಕೊಂಡಿಹುದೇನು – ಮಂಕುತಿಮ್ಮ|| 613 ||
