ಶೀರ್ಷಿಕೆ – ವರ ಯಾಚನೆ
ದೇವಮಂದಿರ ಭಜನೆ ಪೂಜೆ ಪ್ರಸಾದಗಳು ಜೀವನದಲಂಕಾರ, ಮನಸಿನುದ್ಧಾರ ಭಾವಂ ಕ್ಷುಲ್ಲ ಜಗದಿ ಬಿಡಿಸಿ ಮೇಲೊಯ್ವು- ದಾವುದಾದೊಡಮೊಳಿತು – ಮಂಕುತಿಮ್ಮ|| 499 ||
ದೇವನೇನತಿಶಯಿತಮಾನಿಸನೆ ಭೋಗಕ್ಕೆ? ಹೂವುಣಿಸು ಮುಡುಪೊಡವೆಯವನಿಗಂ ಬೇಕೆ ಆವುದೊಳ್ಳಿತೊ ತನಗೆ ನರನದನು ಪರಮಂಗೆ ನೈವೇದಿಪುದು ಸಾಜ – ಮಂಕುತಿಮ್ಮ|| 500 ||
ಯುಕ್ತಿ ಸಾಮ್ರಾಜ್ಯದಲಿ ಭಕ್ತಿ, ಬಡ ಪರದೇಶಿ ಶಕ್ತಿ ಚತುರತೆಯುಡುಗಿ ನೀನು ಸೋತಂದು ಉತ್ಕ್ರಮಣದರೆಮನದಿ ದೈವವನು ಪಿಡಿದೇನು? ಭಕ್ತಿ-ರಕ್ತದಿ ಪರಿಗೆ – ಮಂಕುತಿಮ್ಮ|| 501 ||
ಸೃಷ್ಟಿಯದ್ಭುತಶಕ್ತಿಯುಳ್ಳೋರ್ವನಿರಲು ನ- ಮ್ಮಿಷ್ಟಗಳನರಿತು ನೀಡುವುದವನಿಗರಿದೇಂ ಇಷ್ಟವಾತನೊಳುದಿಸುವಂತೆ ಚೋದಿಪುದೆಂತು ಕಷ್ಟ ನಮಗಿಹುದಷ್ಟೆ – ಮಂಕುತಿಮ್ಮ|| 502 ||
ಜೀವಸತ್ವದಪಾರಭಂಡಾರವೊಂದಿಹುದು ಸಾವಕಾರನದೃಷ್ಟನ್ ಅದನಾಳುತಿಹನು ಆವಶ್ಯಕದ ಕಡವನವನೀವುದುಂಟಂತೆ ನಾವೊಲಿಪುದೆಂತವನ? – ಮಂಕುತಿಮ್ಮ|| 503 ||
