ಶೀರ್ಷಿಕೆ – ನಿಷ್ಕಾಮ ಪೂಜೆ
ಹರಿಭಜಕರೊಳು ಭಯದಿನೊಗೆದುದೆನಿಬರ ಭಕುತಿ ವರದ ಮೇಲಣ ಭಕ್ತಿಯೆನಿಬರದು ನೋಡೆ? ಬರಿಯ ಸಂತೋಷದನುರಾಗರಸ ನಿಜಭಕ್ತಿ ಪರಮದಾಕರ್ಷೆಯದು – ಮಂಕುತಿಮ್ಮ|| 494 ||
ಅರುಣೋದಯಪ್ರಭೆಯ, ಗಿರಿಶೃಂಗದುನ್ನತಿಯ ವರುಣಾಲಯಾಯತಿಯ ನಿರುಕಿಸಿದೊಡಹುದೇಂ ಬೆರಗು, ಬರಿಬೆರಗು ನುಡಿಗರಿದೆನಿಪ್ಪಾನಂದ ಪರಮಪೂಜೆಯುಮಂತು –ಮಂಕುತಿಮ್ಮ|| 495 ||
ಬೆರಗಾಗಿಪುವುವೆಲ್ಲ ಪಿರಿತನದ ನೋಟಗಳು ಬೆರಗೆ, ಮೈಮರೆವೆ, ಸೊಲ್ಲಣಗಿಪುದೆ ಸೊಗಸು ಬೆರಗು ಚಿತ್ತವ ನುಂಗಲೊಗೆವ ಶಾಂತಿಯ ಕಾಂತಿ ಪರಮನರ್ಚನೆಗೆ ವರ – ಮಂಕುತಿಮ್ಮ|| 496 ||
ಸುತೆಯ ಪೋಷಿಸಿ ಬೆಳೆಸಿ, ಧನಕನಕದೊಡನವಳನ್- ಇತರಗೃಹಕಿತ್ತು ನೀಂ ಕೇಳ್ವ ಮುಯ್ಯೇನು? ಪ್ರತಿಫಲವು ಬೇರೇಕೆ? ಸುಕೃತಕದು ತಾನೇ ಫಲ ಹಿತ ಮನದ ಪಾಕಕದು – ಮಂಕುತಿಮ್ಮ|| 497 ||
ಸಂಗೀತ ತಲೆದೂಗುವುದು, ಹೊಟ್ಟೆ ತುಂಬೀತೆ? ತಂಗದಿರೆನೆಸಕ ಕಣ್ಗಮೃತ, ಕಣಜಕದೇಂ? ಅಂಗಡಿಯ ಮಾಡದಿರು ಸುಕೃತಪ್ರಸಕ್ತಿಯಲಿ ಪೊಂಗುವಾತ್ಮವೇ ಲಾಭ – ಮಂಕುತಿಮ್ಮ|| 498 ||
