ಶೀರ್ಷಿಕೆ – ಬ್ರಹ್ಮಾ ಸ್ಪಂದನ
ಬಾಂದಳದ ಬಾಗು, ರವಿಕಿರಣಗಳ ನೀಳ್ಕೋಲು ಇಂದುಮಣಿನುಣ್ಣು, ತಾರೆಗಳ ಕಣ್ಮಿನುಗು ಚೆಂದದಂಗಾಂಗಭಾವದಿ ಮೊದಲ ಪಾಠವಿವು ಸೌಂದರ್ಯಗುರು ಪ್ರಕೃತಿ – ಮಂಕುತಿಮ್ಮ || 444 ||
ಕ್ಷಣವದೊಂದೆ ಅನಂತಕಾಲ ತಾನಾಗುವುದು ಅನುಭವಕೆ ಸತ್ವ ಶಿವ ಸುಂದರಗಳಮರೆ ಮನ ತುಂಬಶಶಿಯಾಗಿ, ನೆನಪಮೃತವಾಗುವುದು ಕ್ಷಣದೊಳಕ್ಷಯ ಕಾಣೋ- ಮಂಕುತಿಮ್ಮ|| 445 ||
ಸುಂದರತೆಯೆನುವುದೇಂ? ಜನಕೆ ಮೈಮರೆಯಿಪಾ- ನಂದದೊಳಮರುಮವೇಂ? ವಿಶ್ವಚೇತನದಾ ಸ್ಪಂದನವೆ ಸೌಂದರ್ಯಮದುವೆ ಜೀವನಮೂಲ ಬಂದುರತೆ ಬೊಮ್ಮನದು – ಮಂಕುತಿಮ್ಮ|| 446 ||
ದೃಷ್ಟಿಚುಕ್ಕೆಯದೊಂದನೆಲ್ಲ ಚೆಂದಂಗಳ್ಗ- ಮಿತ್ತಿಹನು ಪರಮೇಷ್ಠಿ, ಶಶಿಗೆ ಮಶಿಯವೊಲು ಗುಟ್ಟೆನೋ? ರಕ್ಷೆಯೋ? ಸಿಂಗರವೋ? ಹೇಳನವೋ? ಮಷ್ಟು ಸೃಷ್ಟಿಗೆ ಬೊಟ್ಟು – ಮಂಕುತಿಮ್ಮ|| 447 ||
ಬಿಂದು ವಿಸರಗಳನುವು, ವಂಕು ಸರಲಗಳನುವು ಚೆಂದ ಕಣ್ಣಿಗೆ ವರ್ಣವಿವಿಧಂಗಳನುವು ಚೆಂದ ವೇಗ ಸ್ತಿಮಿತದನುವು ಹುಳಿಯುಪ್ಪನುವು ದ್ವಂದದನುವುಗಳಂದ – ಮಂಕುತಿಮ್ಮ|| 448 ||
