ಶೀರ್ಷಿಕೆ – ಪ್ರಗತಿ ಕಥೆ
ಗಿರಿಯ ಮೇಲಕೆ ದೊಡ್ಡ ಬಂಡೆಯನು ಸಿಸಿಫಸನು ಉರುಳಿಸಿರಲೊಂದೆರಡು ಮಾರು ಘಾಸಿಯಲಿ ಸರಿದು ಕೆಳಕದದೆಂತೊ ಜಾರುವುದು ಮರಮರಳಿ ಪುರುಷ ಪ್ರಗತಿಯಂತು – ಮಂಕುತಿಮ್ಮ|| 304 ||
ಕಾಕತಾಳೀಯ ಕಥೆ ಲೋಕಚರಿತೆಯೊಳೆಷ್ಟೋ ಟೀಕೆಗೆಟುಕವು ನಮಗೆ ಕಾರ್ಯಕಾರಣಗಳ್ ಏಕೋ ಕಣ್ಣಲೆಯುವುದು; ಏನೋ ಅದ ಪಿಡಿಯುವುದು ವ್ಯಾಕುಲತೆ ಫಲಿತಾಂಶ- ಮಂಕುತಿಮ್ಮ|| 305 ||
ನಾಸಿಕದ ಮಾಟದಿಂದ ಕ್ಲಿಯೋಪ್ಯಾಟ್ರಳಿಗೆ ದಾಸರಾದರು ಶೂರ ಸೀಸರ್ ಆಂಟನಿಗಳ್ ದೇಶಚರಿಗಮವರ ಜಸಕಮಂಕುಶಮಾಯ್ತು ನಾಸಾಪುಟದ ರೇಖೆ – ಮಂಕುತಿಮ್ಮ|| 306 ||
ಸುರಪಸಭೆಯಲಿ ಗಾಧಿಸುತ ವಸಿಷ್ಠ ಸ್ಪರ್ಧೆ ಧರೆಯೊಳದರಿಂ ಹರಿಸ್ಚಂದ್ರಂಗೆ ತಪನೆ ಬರುವುದಿಂತ್ತೆತ್ತಣಿನೋ ಬೇಡದ ಪ್ರಾರಬ್ಧ ಕರುಮಗತಿ ಕೃತ್ರಿಮವೊ – ಮಂಕುತಿಮ್ಮ|| 307 ||
ಸರಕಾರ ಹರಿಗೋಲು, ತೆರೆಸುಳಿಗಳತ್ತಿತ್ತ ಸುರೆ ಕುಡಿದವರು ಕೆಲರು ಹುಟ್ಟು ಹಾಕುವರು ಬಿರುಗಾಳಿ ಬೀಸುವುದು, ಜನವೆದ್ದು ಕುಣಿಯುವುದು ಉರುಳದಿಹುದಚ್ಚರಿಯೊ – ಮಂಕುತಿಮ್ಮ|| 308 ||
