ಶ್ರೀಭಗವಾನುವಾಚ |
ಮಯಾ ಪ್ರಸನ್ನೇನ ತವಾರ್ಜುನೇದಂ ರೂಪಂ ಪರಂ ದರ್ಶಿತಮಾತ್ಮಯೋಗಾತ್ | ತೇಜೋಮಯಂ ವಿಶ್ವಮನಂತಮಾದ್ಯಂ ಯನ್ಮೇ ತ್ವದನ್ಯೇನ ನ ದೃಷ್ಟಪೂರ್ವಮ್ || 47 ||
47ನೇ ಶ್ಲೋಕದ ವಾಚನಾ ಮತ್ತು ವ್ಯಾಖ್ಯಾನಕ್ಕೆ ಈ ಕೆಳಗಿನ ಲಿಂಕ್ ಒತ್ತಿ
ನ ವೇದಯಙ್ಞಾಧ್ಯಯನೈರ್ನ ದಾನೈರ್ನ ಚ ಕ್ರಿಯಾಭಿರ್ನ ತಪೋಭಿರುಗ್ರೈಃ | ಏವಂರೂಪಃ ಶಕ್ಯ ಅಹಂ ನೃಲೋಕೇ ದ್ರಷ್ಟುಂ ತ್ವದನ್ಯೇನ ಕುರುಪ್ರವೀರ || 48 ||
48ನೇ ಶ್ಲೋಕದ ವಾಚನಾ ಮತ್ತು ವ್ಯಾಖ್ಯಾನಕ್ಕೆ ಈ ಕೆಳಗಿನ ಲಿಂಕ್ ಒತ್ತಿ
ಮಾ ತೇ ವ್ಯಥಾ ಮಾ ಚ ವಿಮೂಢಭಾವೋ ದೃಷ್ಟ್ವಾ ರೂಪಂ ಘೋರಮೀದೃಙ್ಮಮೇದಮ್ |
ವ್ಯಪೇತಭೀಃ ಪ್ರೀತಮನಾಃ ಪುನಸ್ತ್ವಂ ತದೇವ ಮೇ ರೂಪಮಿದಂ ಪ್ರಪಶ್ಯ || 49 ||
49ನೇ ಶ್ಲೋಕದ ವಾಚನಾ ಮತ್ತು ವ್ಯಾಖ್ಯಾನಕ್ಕೆ ಈ ಕೆಳಗಿನ ಲಿಂಕ್ ಒತ್ತಿ
ಸಂಜಯ ಉವಾಚ |
ಇತ್ಯರ್ಜುನಂ ವಾಸುದೇವಸ್ತಥೋಕ್ತ್ವಾ ಸ್ವಕಂ ರೂಪಂ ದರ್ಶಯಾಮಾಸ ಭೂಯಃ | ಆಶ್ವಾಸಯಾಮಾಸ ಚ ಭೀತಮೇನಂ ಭೂತ್ವಾ ಪುನಃ ಸೌಮ್ಯವಪುರ್ಮಹಾತ್ಮಾ || 50 ||
50ನೇ ಶ್ಲೋಕದ ವಾಚನಾ ಮತ್ತು ವ್ಯಾಖ್ಯಾನಕ್ಕೆ ಈ ಕೆಳಗಿನ ಲಿಂಕ್ ಒತ್ತಿ
ಅರ್ಜುನ ಉವಾಚ |
ದೃಷ್ಟ್ವೇದಂ ಮಾನುಷಂ ರೂಪಂ ತವ ಸೌಮ್ಯಂ ಜನಾರ್ದನ |
ಇದಾನೀಮಸ್ಮಿ ಸಂವೃತ್ತಃ ಸಚೇತಾಃ ಪ್ರಕೃತಿಂ ಗತಃ || 51 ||
51ನೇ ಶ್ಲೋಕದ ವಾಚನಾ ಮತ್ತು ವ್ಯಾಖ್ಯಾನಕ್ಕೆ ಈ ಕೆಳಗಿನ ಲಿಂಕ್ ಒತ್ತಿ
ಶ್ರೀಭಗವಾನುವಾಚ |
ಸುದುರ್ದರ್ಶಮಿದಂ ರೂಪಂ ದೃಷ್ಟವಾನಸಿ ಯನ್ಮಮ |
ದೇವಾ ಅಪ್ಯಸ್ಯ ರೂಪಸ್ಯ ನಿತ್ಯಂ ದರ್ಶನಕಾಂಕ್ಷಿಣಃ || 52 ||
52ನೇ ಶ್ಲೋಕದ ವಾಚನಾ ಮತ್ತು ವ್ಯಾಖ್ಯಾನಕ್ಕೆ ಈ ಕೆಳಗಿನ ಲಿಂಕ್ ಒತ್ತಿ
ನಾಹಂ ವೇದೈರ್ನ ತಪಸಾ ನ ದಾನೇನ ನ ಚೇಜ್ಯಯಾ |
ಶಕ್ಯ ಏವಂವಿಧೋ ದ್ರಷ್ಟುಂ ದೃಷ್ಟವಾನಸಿ ಮಾಂ ಯಥಾ || 53 ||
53ನೇ ಶ್ಲೋಕದ ವಾಚನಾ ಮತ್ತು ವ್ಯಾಖ್ಯಾನಕ್ಕೆ ಈ ಕೆಳಗಿನ ಲಿಂಕ್ ಒತ್ತಿ
ಭಕ್ತ್ಯಾ ತ್ವನನ್ಯಯಾ ಶಕ್ಯ ಅಹಮೇವಂವಿಧೋರ್ಜುನ |
ಙ್ಞಾತುಂ ದ್ರಷ್ಟುಂ ಚ ತತ್ತ್ವೇನ ಪ್ರವೇಷ್ಟುಂ ಚ ಪರಂತಪ || 54 ||
54ನೇ ಶ್ಲೋಕದ ವಾಚನಾ ಮತ್ತು ವ್ಯಾಖ್ಯಾನಕ್ಕೆ ಈ ಕೆಳಗಿನ ಲಿಂಕ್ ಒತ್ತಿ
ಮತ್ಕರ್ಮಕೃನ್ಮತ್ಪರಮೋ ಮದ್ಭಕ್ತಃ ಸಂಗವರ್ಜಿತಃ |
ನಿರ್ವೈರಃ ಸರ್ವಭೂತೇಷು ಯಃ ಸ ಮಾಮೇತಿ ಪಾಂಡವ || 55 ||
55ನೇ ಶ್ಲೋಕದ ವಾಚನಾ ಮತ್ತು ವ್ಯಾಖ್ಯಾನಕ್ಕೆ ಈ ಕೆಳಗಿನ ಲಿಂಕ್ ಒತ್ತಿ
ಓಂ ತತ್ಸದಿತಿ ಶ್ರೀಮದ್ಭಗವದ್ಗೀತಾಸೂಪನಿಷತ್ಸು ಬ್ರಹ್ಮವಿದ್ಯಾಯಾಂ ಯೋಗಶಾಸ್ತ್ರೇ ಶ್ರೀಕೃಷ್ಣಾರ್ಜುನಸಂವಾದೇ ವಿಶ್ವರೂಪದರ್ಶನಯೋಗೋ ನಾಮೈಕಾದಶೋಧ್ಯಾಯಃ
