ಶೀರ್ಷಿಕೆ – ಸಾಧನೋಪಾಯ
ಕಣ್ಣಿರದೆ ರವಿಯೇನು? ರವಿಯಿರದೆ ಕಣ್ಣೇನು? ಅನ್ಯೋನ್ಯ ಸಹಕೃತಿಯಿನುಭಯ ಸಾರ್ಥಕತೆ ನಿನ್ನಾತ್ಮ ಜಗದಾತ್ಮಕಂತು ಸಂಬಂಧವವು ವಹ್ನಿಸ್ಫುಲ್ಲಿಂಗಗಳೊ –ಮಂಕುತಿಮ್ಮ|| 489 ||
ಬಹಿರದ್ಭುತವ ಮನುಜರಂತರದ್ಭುತವರಿತು ಗ್ರಹಿಸುವಂತಾಗಿಸಲು ಪೂರ್ವಾನುಭವಿಗಳ್ ಬಹುಪರಿಯುಪಾಗಳ ನಿರವಿಸಿಹರದಕೇಕೆ ಗಹಗಹಿಸುವೆಯೊ, ಮರುಳೆ ಮಂಕುತಿಮ್ಮ|| 490 ||
ಅಂಬುಧಿಯ ಮಡಕೆಯಲಿ, ಹೊಂಬಿಸಿಲ ಕಿಟಕಿಯಲಿ ತುಂಬಿಕೊಳ್ಳುವ ಬಡವನೈಶ್ವರ್ಯದಂತೆ ಬಿಂಬದೊಳಗಮಿತ ಸತ್ವವ ಪಿಡಿದಿಡುವ ಭಕ್ತಿ- ಯಿಂಬು ಕಿಂಚಿನ್ಮತಿಗೆ – ಮಂಕುತಿಮ್ಮ|| 491 ||
ಬಹಿರಂತರೈಕ್ಯವನು ನೆನಪಿಗಾಗಿಸಲೆಂದು ವಿಹಿತಮ್ ಆಚಮನಾರ್ಘ್ಯ ಪೂಜೆ ನೈವೇದ್ಯ ಗುಹೆಯೊಳಗಣದ ಹೊರಗಣದ ಕೂಡಿಸುವುಪಾಯ ಸಹಭಾವವದಕೆ ಸರಿ – ಮಂಕುತಿಮ್ಮ|| 492 ||
ಬಹುಜನಂ ಕೈಮುಗಿದ ತೀರ್ಥದೊಳ್ ಕ್ಷೇತ್ರದೊಳ್ ಮಹಿಮೆಯಲ್ಲೇನೆಂದು ಸಂಶಯಿಸಬೇಡ ವಿಹಿತಗೈದವರಾರು ವಸತಿಯಂ ದೈವಕ್ಕೆ? ಮಹಿಮೆ ಮನಸೋತೆಡೆಯೆ- ಮಂಕುತಿಮ್ಮ|| 493 ||
