ಕೈವಲ್ಯೋಪನಿಷತ್ ಅರ್ಥವವೇದಕ್ಕೆ ಸೇರಿದ ಉಪನಿಷತ್ತು. ಇದು ಲಘು ಉಪನಿಷತ್ತುಗಳಲ್ಲಿ ಅಗ್ರಗಣ್ಯಸ್ಥಾನ ಪಡೆದಿದೆ. ಇದರಲ್ಲಿ ಒಟ್ಟು 26 ಮಂತ್ರಗಳಿವೆ. ಈ ಉಪನಿಷತ್ತಿನಲ್ಲೂ ಪ್ರಾಚೀನ ಸಂಪ್ರದಾಯದಂತೆ ಶಿಷ್ಯನೊಬ್ಬ ಆತ್ಮಜ್ಞಾನವನ್ನರಸಿ ಗುರುವಿನ ಬಳಿಗೆ ಬರುತ್ತಾನೆ. ಸರಳವಾಗಿ ಕಾಣುವ ಶಿಷ್ಯನ ಪ್ರಶ್ನೆಗೆ ನೇರವಾದ ಉತ್ತರ ಗುರು ಕೊಡುತ್ತಾನೆ. ಆತ್ಮಸಾಕ್ಷಾತ್ಕಾರದ ಸ್ಪಷ್ಟ ಚಿತ್ರಣವನ್ನು ಕೇವಲ ಕೆಲವೇ ಮಾತುಗಳಲ್ಲಿ ಗುರುವು ಅತ್ಯಂತ ಸುಂದರವಾಗಿ ತೋರಿಸುತ್ತಾನೆ.
