ಶೀರ್ಷಿಕೆ – ಬ್ರಹ್ಮ ನಾಟಕ
ನಾಟಕವ ನೋಡು ಬ್ರಹ್ಮಾಂಡ ರಂಗಸ್ಥಳದಲಿ ಕೋಟಿ ನಟರಾಂತಿಹರು ಚಿತ್ರ ಪಾತ್ರಗಳ ಆಟಕ್ಕೆ ಕಥೆಯಿಲ್ಲ ಮೊದಲಿಲ್ಲ ಕಡೆಯಿಲ್ಲ ನೋಟಕರು ಮಾಟಕರೆ – ಮಂಕುತಿಮ್ಮ|| 254 ||
ನಾಟಕದೊಳನುವಿಂದ ಬೆರೆತದನು ಮೆಚ್ಚೆನಿಸಿ ನೋಟಕನುಮಾಗಿ ತಾಂ ನಲಿದು ನಲಿಯಿಸುವಾ ಪಾಠವನು ಕಲಿತವನೆ ಬಾಳನಾಳುವ ಯೋಗಿ ಆಟಕಂ ನಯವುಂಟು – ಮಂಕುತಿಮ್ಮ|| 255 ||
ಪರದಮೇಲ್ಕಣ್ಣಿಟ್ಟು ಧರೆಯ ತುಚ್ಚವೆನುತ್ತ ತೊರೆದಾಯಸಂಗೊಳ್ಳೆ ದೊರೆವ ಫಲವೇನು? ಸುರಧನುವಿಗೇಣಿಯಿಡಹೊರಟು ನಿನ್ನಂಗಳದ ಕಿರಿಹೂವ ಮರೆಯುವೆಯ – ಮಂಕುತಿಮ್ಮ|| 256 ||
ಪರಕಿಹವೆ ಸೋಪಾನವೆಂದು ನೀನೊಪ್ಪುವೊಡೆ ಪರಕಿಂತಲಿಹವೆಂತು ಜೊಳ್ಳದಾದೀತು ? ಹೊರಲೆಬೇಕಂತಾದೊಡಿಹದ ಹೊರೆಗಳನ್ನೆಲ್ಲ ಜರೆವುದೇಕಿನ್ನದನು ? – ಮಂಕುತಿಮ್ಮ|| 257 ||
ಒಲ್ಲೆನೆನದಿರ್ ಬಾಳನ್ ಒಲವದೇನೆನ್ನದಿರು ಉಲ್ಲಸಕೆಡೆಮಾಡು ನಿನ್ನಿನಾದಿನಿತು ನಿಲ್ಲು ಕೆಚ್ಚೆದೆಯಿಂದಲನ್ಯಾಯಗಳನಳಿಸೆ ಎಲ್ಲಕಂ ಸಿದ್ಧನಿರು- ಮಂಕುತಿಮ್ಮ|| 258 ||
