ಶೀರ್ಷಿಕೆ – ಇಹ-ಪರ ಸಮನ್ವಯ
ಕಡಲ ಕಡೆದರು ಸುರಾಸುರರು ನಿಜಬಲದಿಂದ ಕುಡಿದನದನು ತಪಸಿನಿಂದ ಕುಂಬಜನು ಕಡಿಮೆಜನ ಪಾರಗಾಂಬರೆ ಗಾಸಿಯನು ಪಡದೆ ಪೊಡವಿ ಬಾಳ್ವೆಯುಮಂತು – ಮಂಕುತಿಮ್ಮ|| 259 ||
ದ್ರಾಕ್ಶಿರಸವೇನಲ್ಲ ಜೀವನದ ತಿರುಳಾರ್ಗುಂ ಇಕ್ಶುದಂಡದವೊಲದು ಭೋಜನವೆ ದಕ್ಷತೆಯಿನಿಡಿಯುವಂಗೊಂದೆರಡು ಗುಟುಕು ರಸ ಮಾಕ್ಷಿಕರು ಮಿಕ್ಕೆಲ್ಲ – ಮಂಕುತಿಮ್ಮ|| 260 ||
ಆಟವೋ ಮಾಟವೋ ಕಾಟವೋ ಲೋಕವಿದು ಊಟ ಉಪಚಾರಗಳ ಬೇಡವೆನ್ನದಿರು ಪಾಟವವು ಮೈಗಿರಲಿ ನೋಟ ತತ್ವದೊಳಿರಲಿ ಪಾಠಿಸು ಸಮನ್ವಯವ-ಮಂಕುತಿಮ್ಮ|| 261 ||
ಒಂದು ಕಣ್ಣಳುವಂದು ಮತ್ತೊಂದ ತಳ್ಕೈಸಿ ಅಂದ ಚೆಂದಗಳ ಜನವರಸುವುದು ಬಾಳೊಳ್ ಬಂದು ಮೋಹವೋ ಯಶವೋ ವೈರವೋ ವೈಭವವೋ ಬಂದಿಪುದು ಜಗಕವರ – ಮಂಕುತಿಮ್ಮ|| 262 ||
ಬಾಳು ಪಾಳೆನ್ನುವರ ಬಿಟ್ಟಿಹುದೇ ಬೆದಕಾಟ? ತಾಳಿದರೆ ಬಾಳನಂತಹರುಮ್ ಆಶೆಯಲಿ ಕಾಲವಿನ್ನಿರದಿಂತು ನಾಳೆ ನೋಡುವೆಮೆನುತ ಮೇಲನೆ ನಿರೀಕ್ಷಿಪರು – ಮಂಕುತಿಮ್ಮ|| 263 ||
