ತಥಾ ವದಂತಂ ಶರಣಾಗತಂ ಸ್ವಂ ಸಂಸಾರ-ದಾವಾನಲತಾಪತಪ್ತಮ್ ನಿರೀಕ್ಷ ಕಾರುಣ್ಯರಸಾರ್ದ್ರ-ದೃಷ್ಟ್ಯಾ ದದ್ಯಾದಭೀತಿಂ ಸಹಸಾ ಮಹಾತ್ಮಾ | 41 |
ವಿದ್ವಾನ್ ಸ ತಸ್ಮಾ ಉಪಸತ್ತಿಮೀಯುಷೇ ಮುಮುಕ್ಷವೇ ಸಾಧುಯಥೋಕ್ತಕಾರಿಣೇ ಪ್ರಶಾಂತಚಿತ್ತಾಯ ಶಮಾನ್ವಿತಾಯ ತತ್ತ್ವೋಪದೇಶಂ ಕೃಪಯೈವ ಕುರ್ಯಾತ್ | 42 |
ಶ್ರೀ ಗುರುರುವಾಚ:
ಮಾ ಭೈಷ್ಟ ವಿದ್ವಂಸ್ತವ ನಾಸ್ತ್ಯಪಾಯಃ ಸಂಸಾರಸಿಂಧೋಸ್ತರಮೇsಸ್ತ್ಯುಪಾಯಃ ಯೇನೈವ ಯಾತಾ ಯತಯೋsಸ್ಯ ಪಾರಂ ತಮೇವ ಮಾರ್ಗಂ ತವ ನಿರ್ದಿಶಾಮಿ | 43 |
ಅಸ್ತ್ಯುಪಾಯೋ ಮಹಾನ್ ಕಶ್ಚಿತ್ ಸಂಸಾರಭಯನಾಶನಃ ತಂನ ತೀರ್ತ್ವಾ ಭವಾಂಬೋಧಿಂ ಪರಮಾನಂದಮಾಪ್ಸ್ಯಸಿ | 44 |
ವೇದಾಂತಾರ್ಥವಿಚಾರೇಣ ಜಾಯತೇ ಜ್ಞಾನಮುತ್ತಮಮ್ ತೇನಾತ್ಯಂತಿಕ-ಸಂಸಾರ-ದುಃಖನಾಶೋ ಭವತ್ಯನು | 45 |
ಶ್ರದ್ಧಾಭಕ್ತಿಧ್ಯಾನಯೋಗಾನ್ ಮುಮುಕ್ಷೋಃ ಮುಕ್ತೇರ್ಹೇತೂನ್ ವಕ್ತಿ ಸಾಕ್ಷಾಚ್ಛ್ರುತೇರ್ಗೀಃ ಯೋ ವಾ ಏತೇಷ್ವೇವ ತಿಷ್ಯತ್ಯಮುಷ್ಯ ಮೋಕ್ಷೋsವಿದ್ಯಾಕಲ್ಪಿತಾದ್ದೇಹಬಂಧಾತ್ | 46 |
ಅಜ್ಞಾನಯೋಗಾತ್ ಪರಮಾತ್ಮನಸ್ತವ ಹ್ಯನಾತ್ಮಬಂಧಸ್ತತ ಏವ ಸಂಸ್ಕೃತಿಃ ತಯೋರ್ವಿವೇಕೋದಿತ-ಬೋಧವಹ್ನಿಃ ಅಜ್ಞಾನಕಾರ್ಯಂ ಪ್ರದಹೇತ್ ಸಮೂಲಮ್ | 47 |
