ಮೃತ್ಕಾರ್ಯಭೂತೋsಪಿ ಮೃದೋ ನ ಭಿನ್ನಃ ಕುಂಭೋsಸ್ತಿ ಸರ್ವತ್ರ ತು ಮತ್ಸ್ವರೂಪಾತ್ ನ ಕುಂಭರೂಪಂ ಪೃಥಗಸ್ತಿ ಕುಂಭಃ ಕುತೋ ಮೃಷಾ ಕಲ್ಪಿತನಾಮಮಾತ್ರಃ | 228 |
ಕೇನಾಪಿ ಮೃದ್ಭಿನ್ನತಯಾ ಸ್ವರೂಪಂ ಘಟಸ್ಯ ಸಂದರ್ಶಯಿತುಂ ನ ಶಕ್ಯತೇ ಅತೋ ಘಟಃ ಕಲ್ಪಿತ ಏವ ಮೋಹಾತ್ ಮೃದೇವ ಸತ್ಯಂ ಪರಮಾರ್ಥಭೂತಮ್ | 229 |
ಸದ್ಪ್ರಹ್ಮಕಾರ್ಯಂ ಸಕಲಂ ಸದೇವಂ ತನ್ಮಾತ್ರಮೇತನ್ನ ತತೋsನ್ಯದಸ್ತಿ ಅಸ್ತೀತಿ ಯೋ ವಕ್ತಿ ನ ತಸ್ಯ ಮೋಹೋ ವಿನಿರ್ಗತೋ ನಿದ್ರಿತವತ್ ಪ್ರಜಲ್ಪಃ | 230 |
ಬ್ರಹ್ಮೈವೇದಂ ವಿಶ್ವಮಿತ್ಯೇವ ವಾಣೀ ಶ್ರೌತೀ ಬ್ರೂತೇsಥರ್ವನಿಷ್ಠಾ ವರಿಷ್ಠಾ ತಸ್ಮಾದೇತದ್ ಬ್ರಹ್ಮಮಾತ್ರಂ ಹಿ ವಿಶ್ವಂ ನಾಧಿಷ್ಠಾನಾದ್ ಭಿನ್ನತಾsರೋಪಿತಸ್ಯ | 231 |
