ಶೀರ್ಷಿಕೆ – ನಂದ-ಶಬರಿ-ಹನುಮಂತ-ಶುನಕ
ಧನ್ಯ ಹೊಲೆಯರ ನಂದ; ಹಿಡಿದುದವನನು ಕನಸು ಸ್ವರ್ಣಸಭೆಯ ಶೈವತಾಂಡವದ ಕನಸು ಅನ್ಯಚಿಂತೆಗಳನದು ಬಿಡಿಸುತವನಾತ್ಮವನು ಚಿನ್ಮಯಕೆ ಸೇರಿಸಿತು – ಮಂಕುತಿಮ್ಮ|| 764 ||
ತನ್ನ ರುಚಿ ರಾಮರುಚಿ; ತನ್ನ ಸಂತುಷ್ಟಿ ಪರಿ – ಪೂರ್ಣವಪ್ಪುದು ರಾಮಸಂತುಷ್ಟಿಯಿಂದ ಎನ್ನುವಾ ಸಾಜದಾ ದೈವಾತ್ಮಭಾವದಲಿ ಧನ್ಯಳಾದಳು ಶಬರಿ – ಮಂಕುತಿಮ್ಮ|| 765 ||
ಘನತತ್ವವೊಂದಕ್ಕೆ ದಿನರಾತ್ರಿ ಮನಸೋತು ನೆನೆಯದಿನ್ನೊಂದನೆಲ್ಲವ ನೀಡುತದರಾ ಅನುಸಂಧಿಯಲಿ ಜೀವಭಾರವನು ಮರೆಯುವುದು ಹನುಮಂತನುಪದೇಶ – ಮಂಕುತಿಮ್ಮ|| 766 ||
ಕ್ಷಣದಿಂದನುಕ್ಷಣಕೆ, ದಿನದಿಂದ ಮರುದಿನಕೆ ಅನಿತನಿತರೊಳೆ ಬದುಕತಾಯುವನು ಕಳೆವಾ ಮನದ ಲಘುಸಂಚಾರವೊಂದು ಯೋಗದುಪಾಯ ಶುನಕೋಪದೇಶ – ಮಂಕುತಿಮ್ಮ|| 767 ||
ಗತಿಯೇನು ಎನಗೆನುತ ಕೇಳ್ವರೆ ಎಲ್ಲರುಂ ಹಿತವೆಂತು ಜಗಕೆಂದು ಕೇಳುವವರಾರು? ಮತಿಯ ವಿಶ್ವದಿ ಬೆರೆಸಿ ಜೀವಿತವ ವಿಸ್ತರಿಸೆ ಪಥ ಮುಕ್ತಿಗಾಗಳೇ – ಮಂಕುತಿಮ್ಮ|| 768 ||
