ಶೀರ್ಷಿಕೆ – ಸ್ವಾತಂತ್ರ್ಯ ಭಾರ
ಹರಡುವುದು ಸಾಜ ವಾಯುಗೆ ಸೈಸದದು ತಡೆಯನ್ ಉರುಳಿಪುದದೆಲ್ಲವನು ತಡೆಗಳಿಲ್ಲದಿರೆ ನರನ ಸ್ವತಂತ್ರಗತಿಯಂತು ಹಿತ ಮಿತವಿರಲು ಅರಸೋ ಮಿತಿಯಾಯತಿಯ – ಮಂಕುತಿಮ್ಮ|| 534 ||
ನೀರ ನೆರೆ ತನ್ನೆದುರಿನಣೆಕಟ್ಟನೊಡೆಯುವುದು ಊರನದು ಕೊಚ್ಚುವುದು ಬದಿಯ ಕಟ್ಟದಿರೆ ಏರಿಗಳನಿಕ್ಕೆಲದಿ ನಿಲಿಸೆ ಹರಿಯುವುದು ಸಮನೆ ಪೌರುಷದ ನದಿಯಂತು – ಮಂಕುತಿಮ್ಮ|| 535 ||
ಎಸಳಿನಡಿ, ಗಿಡದ ಬಿಗಿ, ಮೇಲೆ ಸರಸ ಕುಸುಮದ ಕ್ಷೇಮವಾ ಬಿಗಿತ ಬಿಡುತೆಗಳಿಂ ಕುಶಲ ಸೌರಭವ ನಿರ್ಯತ್ನ ಸ್ವತಂತ್ರದಿಂ ಪಸರಿಪಾ ನಯ ಸುಖವೋ – ಮಂಕುತಿಮ್ಮ|| 536 ||
ತರಣಿಶಶಿಪಥಗಳನು,ಧರೆವರುಣಗತಿಗಳನು ಮರುದಗ್ನಿವೇಗಗಳ ನಿಯಮಿಸಿಹ ದಕ್ಷನ್ ನರನರಸಿಕೊಳಲಿ ದಾರಿಯ ತನಗೆ ತಾನೆಂದು ತೊರೆದನೇಕೆ ನಮ್ಮ – ಮಂಕುತಿಮ್ಮ|| 537 ||
ತನ್ನ ಬೆವರಿನ ಕೊಳದಿ ತಾಂ ಮುಳುಗಿ ತೇಲುತ್ತೆ ಧನ್ಯನಾನ್ನೆನುವನದೊರ್ವ ಸ್ವತಂತ್ರನ್ ಪುಣ್ಯತೀರ್ಥದೊಳಿಳಿದು ಕರಗಲ್ ಸ್ವತಂತ್ರ ತಾನ್ ಎನ್ನುವವನಿನ್ನೊರ್ವ – ಮಂಕುತಿಮ್ಮ|| 538 ||
