ಶೀರ್ಷಿಕೆ – ಶಾಸ್ತ್ರ ಬೆಳೆಯುತ್ತದೆ
ಪಿರಿದೆಲ್ಲ ಮತಿನೀತಿಗಳಿಗಿಂತ ಜೀವಿತವು ನೆರೆಬಂದ ನದಿ ದಡಕೆ ಬಾಗಿ ನಮಿಪುದೇಂ? ಧರುಮಸೂಕ್ಷ್ಮದ ತಿಳಿವೆ ಲೋಕಸೂತ್ರದ ಸುಳುವು ಅರಸು ಜೀವಿತ ಹಿತವ – ಮಂಕುತಿಮ್ಮ|| 524 ||
ಜಗ ಬೆಳೆದು ಚಿಗುರುತಿರೆ ಶಾಸ್ತ್ರ ಕರಟಿರಲಹುದೆ ನಿಗಮಸಂತತಿಗೆ ಸಂತತಿಯಾಗದಿಹುದೆ ಬಗೆಬಗೆಯ ಜೀವಸತ್ವವಿಕಾಸವಾಗುತಿರ- ಲೊಗೆವುದೈ ವಿಜ್ಞಾನ – ಮಂಕುತಿಮ್ಮ|| 525 ||
ಸೆರೆಬಿದ್ದು ಧರ್ಮಪಾದಪ ನಿಲದು ಮತಗಳಲಿ ಜರೆಯಿಂದ ಬರಡುವುದು ಮಠದ ನೆರಳಿನಲಿ ಪರಸತ್ವರಸ ವಿಶ್ವಜೀವನದ ಬೇರ್ಗಳಿಂ ನೆರೆಯಲಾ ತರು ತಂಪು – ಮಂಕುತಿಮ್ಮ|| 526 ||
ಜೀವಕಾರಣಮೂಲ ಗೂಢವಾಗಿರ್ದೊಡಂ ಧೀವಿಕಾಸದ ಬೆಳಕನಾದನಿತು ಗಳಿಸಿ ಕೈವಲ್ಯಪಥವನರಸುತ ಯಾತ್ರಿಸಲೇಬೇಕು ದೀವಿಗೆಯೂ ಮತಿಯೊಂದೆ – ಮಂಕುತಿಮ್ಮ|| 527 ||
ಭಕ್ತಿ ನಂಬುಗೆ ಸುಲಭ; ಭಜನೆ ವಂದನೆ ಸುಲಭ ತತ್ವಶೋಧನೆ ಕಷ್ಟ; ಮತಿಕಾರ್ಯ ಕಷ್ಟ ಸುತ್ತುವುದು ಗಿರಿಸುತ್ತ ಸುಳುವೆಂದು ಲೋಕಜನ ಹತ್ತುವನು ತಾಪಸಿಯೋ – ಮಂಕುತಿಮ್ಮ|| 528 ||
