ಶೀರ್ಷಿಕೆ – ವ್ಯಷ್ಟಿಯಿಂದ ಸಮಷ್ಟಿ
ಬಂಧನವದೇನಲ್ಲ ಜೀವಜೀವಪ್ರೇಮ ಒಂದೇ ನಿಲೆ ಜೇವವರೆ,ಬೆರೆತರಳೆ ಪೂರ್ಣ ದಂದುಗವನ್ ಅರೆಗೆಯ್ದು, ಸಂತಸವನಿಮ್ಮಡಿಪ ಬಾಂಧವ್ಯ ದೈವ ಕೃಪೆ – ಮಂಕುತಿಮ್ಮ|| 429 ||
ಒಬ್ಬನುಣುವೂಟದಲಿ ಸವಿಯಿಲ್ಲ ಸೊಗವಿಲ್ಲ ಇಬ್ಬರಾಗುವೆನೆಂದನಂತೆ ಪರಬೊಮ್ಮಂ ಹೆಬ್ಬದುಕನೊಂಟಿತನದೊಳದೇನು ಬದುಕುವೆಯೊ? ತಬ್ಬಿಕೊಳೊ ವಿಶ್ವವನು – ಮಂಕುತಿಮ್ಮ|| 430 ||
ಕೊಳದಿ ನೀಂ ಮೀವಂದು ತೆರೆಯೆದ್ದು ಹರಡುತ್ತೆ ವಲಯವಲಯಗಳಾಗಿ ಸಾರುವುದು ದಡಕೆ ಅಲೆಗಳಾ ತೆರದಿ ನಿನ್ನಾತ್ಮದಿಂ ಪರಿಪರಿದು ಕಳೆತುಕೊಳ್ಳಲಿ ಜಗದಿ – ಮಂಕುತಿಮ್ಮ|| 431 ||
ಪ್ರತ್ಯೇಕಸುಖವಲ್ಪದುದು, ಗಳಿಗೆತೋರ್ಕೆಯದು ಆತ್ಮವಿಸ್ಥಾರವಾಗಿಪುದೆ ನಿತ್ಯಸುಖ ವ್ಯಕ್ತಿಜೀವನದ ಸೊಂಪು ಸಮಷ್ಠಿಜೀವನದಿ ಒಟ್ಟುಬಾಳ್ವುದು ಕಲಿಯೊ – ಮಂಕುತಿಮ್ಮ॥ 432 ||
ಅಳುವೇನು? ನಗುವೇನು? ಹೃತ್ಕಪಾಟೋದ್ಘಾಟ ಶಿಲೆಯೆ ನೀಂ ಕರಗದಿರಲ್? ಅರಳದಿರೆ ಮರಳೇಂ? ಒಳಜಗವ ಹೊರವಡಿಪ, ಹೊರಜಗವನೊಳಕೊಳುವ ಸುಳುದಾರಿಯಳು ನಗುವು – ಮಂಕುತಿಮ್ಮ|| 433 ||
