ಶೀರ್ಷಿಕೆ – ನರ ನಾರೀ ಪ್ರೇಮ
ದೇವರ್ಕಳುದಿಸಿ ಮರೆಯಹರು; ದೇವತ್ವ ಚಿರ ಜಾವ ದಿನ ಬಂದು ಪೋಗುವುವು ; ಕಾಲ ಚಿರ ಜೀವದ ವ್ಯಕ್ತಿ ಸಾಯ್ವುದು; ಜೀವಸತ್ವ ಚಿರ ಭಾವಿಸಾ ಕೇವಲವ – ಮಂಕುತಿಮ್ಮ|| 404 ||
ಪರಬೊಮ್ಮ ಜೀವಭೇದದಿ ನಿಜೈಕ್ಯವ ಮರೆಯೆ ಮರಳಿ ತನ್ನೊಟ್ಟನವನರಸಲೆಚ್ಚರಿಸಲ್ ನರನಾರಿಯರ ಪರಸ್ಪರ ಮೋಹದಲಿ ಮಾಯೆ ನಿರವಿಸಿಹಳಂಕುಶವ – ಮಂಕುತಿಮ್ಮ|| 405 ||
ನರನಾರಿಮೋಹದಿಂ ವಂಶವದಕಾಗಿ ಮನೆ ನೆರೆಹೊರೆಗಳೂರು ರಾಷ್ಟ್ರಗಳು ಸಂಘಗಳು ಕೆರೆಯೊಂದು ಕೇಂದ್ರದಿಂದಲೆಯ ಬಳೆಗಳು ನೂರು ಹರಿವಂತೆ ಸಂಸಾರ – ಮಂಕುತಿಮ್ಮ|| 406 ||
ಅದರಿಂದ ನೀತಿ ನಯವದರಿಂದ ಕುಲ ಗೋತ್ರ ವದರಿಂದ ರಾಜ್ಯ ಮಠ ಧರ್ಮ ಸಂಸ್ಥೆಗಳು ಒದವುದದರಿಂದೆ ಮಮತಾನಾಶದವಕಾಶ ವದರಿನಾತ್ಮ ವಿಕಾಸ – ಮಂಕುತಿಮ್ಮ|| 407 ||
ತಲೆಯಿಂದ ತಲೆಗೆ, ಪೀಳಿಗೆಯಿಂದ ಪೀಳಿಗೆಗೆ ಅಲೆಯಿಂದಲಲೆಗೆ ಟಪ್ಪೆಯ ಚಾರನಂತೆ ಇಳಿಯುತಿದೆ ಯುಗದಿಂದ ಯುಗಕೆ ಮಾನವಧರ್ಮ ನಿಲದಮೃತಧಾರೆಯದು – ಮಂಕುತಿಮ್ಮ|| 408 ||
