ಶೀರ್ಷಿಕೆ – ಧಾತ ತಿಲಘಾತಕ
ಲೋಕವೆಲ್ಲವು ದೈವಲೀಲೆಯೆಂಬರೇ, ಪೇಳಿ ಶೋಕ ಸೋಂಕಿರದೊಡಾ ಲೀಲೆ ನೀರಸವೇಂ? ಮೂಕಂಗೆ ಕಳ್ ಕುಡಿಸಿ ಚೇಳ್ ಕುಟುಕಿಪಾಟವಿದು ಏಕಪಕ್ಷದ ಲೀಲೆ – ಮಂಕುತಿಮ್ಮ|| 354 ||
ಗುಣಿಗುಣಿಸಿ ತಿಣುಕುತ್ತಾ ಹೆಣಗಾಡಿ ಫಲವೇನು ಗಣನೆಗೆಟುಕದದೊಂದಚಿಂತ್ಯವೆತ್ತಲೋ, ತಾನ್ ಅಣಗಿದ್ದು ನಿನ್ನೆಲ್ಲ ಗಣಿತಗಳನಣಕಿಪುದು ದಣಿಯದಾ ವಿಧಿ ವಿಕಟ – ಮಂಕುತಿಮ್ಮ|| 355 ||
ಆಶೆ ಬಲೆಯನು ಬೀಸಿ, ನಿನ್ನ ತನ್ನೆಡೆಗೆಳೆದು ಘಾಸಿ ನೀಂ ಬಡುತ ಬಾಯ್ಬಿಡಲೋರೆ ನೋಡಿ ಮೈಸವರಿ ಕಾಲನೆಡವಿಸಿ, ಗುಟ್ಟಿನಲಿ ನಗುವ ಮೊಸದಾಟವೋ ದೈವ – ಮಂಕುತಿಮ್ಮ|| 356 ||
ದಾತನೆಣ್ಣೆಯಗಾಣದೆಳ್ಳುಕಾಳೆಲೆ ನೀನು ಆತನೆಲ್ಲರನರೆವನ್; ಆರನುಂ ಬಿಡನು ಆತುರಂಗೊಳದೆ ವಿಸ್ಮ್ರುತಿಬಡದುಪೇಕ್ಷಿಸದೆ ಘಾತಿಸುವನೆಲ್ಲರನು – ಮಂಕುತಿಮ್ಮ|| 357 ||
ಇದು ನಡೆಯಲಿಲ್ಲವದು ನಿಂತುಹೋಯಿತೆನ್ನುತ್ತ ಎದೆಯುಬ್ಬೆಗವನೊಂದಿ ಕುದಿಯುತಿಹುದೇಕೋ? ಅಧಿಕಾರಪಟ್ಟವನು ನಿನಗಾರು ಕಟ್ಟಿಹರು? ವಿಧಿಯ ಮೇಸ್ತ್ರಿಯೆ ನೀನು? – ಮಂಕುತಿಮ್ಮ|| 358 ||
