ಶೀರ್ಷಿಕೆ – ನಿತ್ಯ ವಿಸ್ಫುರಣ
ಅರೆಯರೆಯೆ ನಮಗೆ ತೋರ್ಪೋಲವು ಚೆಲುವುಗಳೆಲ್ಲ ಪರಿಪೂರ್ಣ ಸುಖ ಸತ್ವ ಸಾಗರದ ತೆರೆಗಳ್ ತರಣಿ ದೂರದೊಳಿಹನು; ಕಿರಣ ನಮಗೆಟಕುವುದು ತೆರೆಯು ನೆರೆತದ ಕುರುಹೊ- ಮಂಕುತಿಮ್ಮ|| 219 ||
ಸೌಂದರ್ಯ ಬಾಂಧವ್ಯಗಳು ಸತ್ಯವಲ್ಲದೊಡೆ ಕುಂದುವಡೆಯದ ಸತ್ಯವಿಳೆಯೊಳಿನ್ನೆಲ್ಲಿ ಗಂಧಾನಿಲಂಗಳವು ಪರಸತ್ವಪುಷ್ಪದವು ಸಂದೇಹವೇನೆಲವೋ – ಮಂಕುತಿಮ್ಮ|| 220 ||
ಅರೆಗಳಿಗೆಯನುಭವವೆ ಮಾನಸವ ಕರಗಿಸದೆ? ಪರಿಪಕ್ವಗೊಳಿಸದೇನದು ಜೀವರಸವ? ಉರಿ ತನಿಪುಗಳಿನಾತ್ಮ ಸಂಸ್ಕಾರಗಳನೆಸೆಪ ಪುರುಳ ಪುಸಿಯನ್ನುವೆಯಾ- ಮಂಕುತಿಮ್ಮ|| 221 ||
ಆವುದೋ ಒಳಿತೆಂದು ಆವುದೋ ಸೊಗವೆಂದು ಅವಾವ ದಿಕ್ಕಿನೊಳಮಾವಗಂ ಬೆದಕಿ ಜೀವ ಪರಿಧಾವಿಪವೊಲ್ ಆಗಿಪಂತರ್ವೃತ್ತಿ ಭಾವುಕದ ನೆಲೆಯ ಕರೆ – ಮಂಕುತಿಮ್ಮ|| 222 ||
ಒಡೆಯನಾವೆಡೆಸಾರ್ದನೆಂದುಪದವಾಸನೆಯ ತಡಕಿಮೂಸುತಶುನಕನಲೆದಾಡುವಂತೆ ಬಡಜಗವನೊಳಿತಕೆಂದತ್ತಿತ್ತ ಪುಡುಕಿಸುವ ಬೆಡಗು ಶಿವನೊಡವೆಯದೊ – ಮಂಕುತಿಮ್ಮ|| 223 ||
