ಶೀರ್ಷಿಕೆ – ದೊರೆ ಮೂವರು
ಅರಸನೊಬ್ಬನಲ್ಲ; ಮೂವರು ಬಾಳನಾಳುವರು ನರ ಕರುಮ ದೈವಗಳು ತೊಡಕದಕೆ ಸಾಜ ಗುರಿಯಿಡದ, ಮೊದಲು ಕೊನೆಯಿರದ, ದರಬಾರಿನಲಿ ಸರಿಯೇನೋ ತಪ್ಪೇನೋ ? – ಮಂಕುತಿಮ್ಮ|| 149 ||
ದೊರೆ ಮೂವರಿರುವಲ್ಲಿ ಸರಿಯಿಹುದೆ ಸೋಜಿಗವು ಕೊರತೆ ಹೆಚ್ಚಿಕೆಗಳಿರಲಚ್ಚರಿಯದೇನು? ಬರಲಿ ಬರುವುದು, ಸರಿವುದೆಲ್ಲ ಸರಿಯಲಿ ; ನಿನಗೆ ಪರಿವೆಯೇನಿಲ್ಲೆಲವೋ – ಮಂಕುತಿಮ್ಮ|| 150 ||
ದೈವವೆನಿಸಿರುತೆ ವಿಶ್ವಪ್ರಕೃತಿಶಕ್ತಿಯಲಿ ಜೀವವಾಸನೆಗಳಲಿ ಪೂರ್ವಕೃತವೆನಿಸಿ ಧೀವರ್ತನೆಯಲಿ ಪೌರುಷವೆನಿಸಿ ಪರಸತ್ವ ತ್ರೈವಿಧದೊಳಿರುತಿಹುದು – ಮಂಕುತಿಮ್ಮ|| 151 ||
ಪುಣ್ಯಪಾಪ ಋಣಾನುಬಂಧ ವಾಸನೆಗಳಿವು ಜನ್ಮಾಂತರದ ಕರ್ಮಶೇಷದಂಶಗಳು ಎಣ್ಣಿಕೆಗೆ ಸಿಲುಕದಾಕಸ್ಮಿಕ ಯದೃಚ್ಚಿಗಳು ಸನ್ನಿಹಿತ ದೈವಕದೆ – ಮಂಕುತಿಮ್ಮ|| 152 ||
ಪ್ರಾರಬ್ಧಕರ್ಮಮುಂ ದೈವಿಕದ ಲೀಲೆಯುಂ ತೋರುವುದದ್ರುಷ್ಟವಿಧಿಯೆಂಬ ಪೆಸರುಗಳಿಂ ಆರುಮಳೆವವರಿಲ್ಲವವುಗಳಾವೇಗಗಳ ಪೌರುಷವು ನವಸತ್ವ – ಮಂಕುತಿಮ್ಮ|| 153 ||
