ಸಮಾನೀತಃ ಪದ್ಭ್ಯಾಂ ಮಣಿಮುಕುರತಾಮಂಬರಮಣಿ- ರ್ಭಯಾದಂತಃಸ್ತಿಮಿತಕಿರಣಶ್ರೇಣಿಮಸೃಣಃ ದಧಾತಿ ತ್ವದ್ವಕ್ತ್ರಂಪ್ರತಿಫಲನಮಶ್ರಾಂತವಿಕಚಂ ನಿರಾತಂಕಂ ಚಂದ್ರಾನ್ನಿಜಹೃದಯಪಂಕೇರುಹಮಿವ ॥ 101॥
ಸಮುದ್ಭೂತಸ್ಥೂಲಸ್ತನಭರಮುರಶ್ಚಾರು ಹಸಿತಂ ಕಟಾಕ್ಷೇ ಕಂದರ್ಪಃ ಕತಿಚನ ಕದಂಬದ್ಯುತಿ ವಪುಃ ಹರಸ್ಯ ತ್ವದ್ಭ್ರಾಂತಿಂ ಮನಸಿ ಜನಯಾಮ್ ಸ್ಮ ವಿಮಲಾ ಭವತ್ಯಾ ಯೇ ಭಕ್ತಾಃ ಪರಿಣತಿರಮೀಷಾಮಿಯಮುಮೇ ॥ 102॥
ನಿಧೇ ನಿತ್ಯಸ್ಮೇರೇ ನಿರವಧಿಗುಣೇ ನೀತಿನಿಪುಣೇ ನಿರಾಘಾತಜ್ಞಾನೇ ನಿಯಮಪರಚಿತ್ತೈಕನಿಲಯೇ । ನಿಯತ್ಯಾ ನಿರ್ಮುಕ್ತೇ ನಿಖಿಲನಿಗಮಾಂತಸ್ತುತಿಪದೇ ನಿರಾತಂಕೇ ನಿತ್ಯೇ ನಿಗಮಯ ಮಮಾಪಿ ಸ್ತುತಿಮಿಮಾಮ್ ॥ 103॥
