ಅಪಾತವೈರಾಗ್ಯವತೋ ಮುಮುಕ್ಷನ್ ಭವಾಬ್ದಿಪಾರಂ ಪ್ರತಿಯಾತುಮುದ್ಯತಾನ್ ಆಶಾಗ್ರಹೋ ಮಜ್ಜಯತೇಂsತರಾಲೇ ನಿಗೃಹ್ಯ ಕಂಠೇ ವಿನಿವರ್ತ್ಯವೇಗಾತ್ | 79 |
ವಿಷಯಾಖ್ಯಗ್ರಹೋ ಯೇನ ಸುವಿರಕ್ತ್ಯಸಿನಾ ಹತಃ ಸ ಗಚ್ಛತಿ ಭವಾಂಭೋಧೇಃ ಪಾರಂ ಪ್ರತ್ಯೂಹವರ್ಜಿತಃ | 80 |
ವಿಷಮ-ವಿಷಯ-ಮಾರ್ಗೇ ಗಚ್ಛತೋsನಚ್ಛಬುದ್ಧೇಃ ಪ್ರತಿಪದಮಭಿಯಾತೋ ಮೃತ್ಯುರಷ್ಯೇಷ ವಿದ್ಧಿ ಹಿತ-ಸುಜನ-ಗುರೂಕ್ತ್ಯಾ ಗಚ್ಛತಃ ಸ್ವಸ್ಯ ಯುಕ್ತ್ಯಾ ಪ್ರಭವತಿ ಫಲಸಿದ್ಧಿಃ ಸತ್ಯಮಿತ್ಯೇವ ವಿದ್ಧಿ | 81 |
ಮೋಕ್ಷಸ್ಯ ಕಾಂಕ್ಷಾ ಯದಿ ವೈ ತವಾಸ್ತಿ ತ್ಯಜಾತಿದೂರಾದ್ವಿಷಯಾನ್ ವಿಷಂ ಯಥಾ ಪೀಯೂಷವತ್ತೋಷ-ದಯಾಕ್ಷಮಾರ್ಜವ- ಪ್ರಶಾಂತಿ-ದಾಂತೀರ್ಭಜ ನಿತ್ಯಮಾದರಾತ್ | 82 |
