ಶೀರ್ಷಿಕೆ – ಅಂತರ್ಜೋತಿ
ತಿಳಿವಿಕೊಳಿತೆನಿಸಿದುದು ನಡೆಯೊಳೇತ್ತಕ್ಕಿರದು ಕುಳಿ ಮೇಡು ದೂರ ಮತಿಮನಸುಗಳ ನಡುವೆ ಒಳಗಿನಾಯೆಣ್ಣೆಬತ್ತಿಗಳೆರಡುಮೊಡವೆರೆಯೆ ಬೆಳಕು ಜೀವೋನ್ನತಿಗೆ – ಮಂಕುತಿಮ್ಮ|| 554 ||
ಧರ್ಮಸಂಕಟದಿ ಮನ ತಲ್ಲಣಿಸುತಿರುವಂದು ನಿರ್ಮಥಿಸು ನಿನ್ನಾತ್ಮವನೆ ಮಮತೆ ಬಿಟ್ಟು ನಿರ್ಮಮದ ಸದ್ವಿವೇಕದ ದೀಪಕಿಂತ ನೀಂ ನೆಮ್ಮಲಿನ್ನೇನಿಹುದೋ ? – ಮಂಕುತಿಮ್ಮ|| 555 ||
ಶಕ್ತಿಮೀರ್ದ ಪರೀಕ್ಷೆಗಳನು ವಿಧಿ ನಿಯಮಿಸಿರೆ ಯುಕ್ತಿಮೀರ್ದ ಪ್ರಶ್ನೆಗಳನು ಕೇಳುತಿರೆ ಚಿತ್ತವನು ತಿರುಗಿಸೊಳಗಡೆ; ನೋಡು ನೋಡಲ್ಲಿ ಸತ್ವದಚ್ಚಿನ್ನ ಝರಿ – ಮಂಕುತಿಮ್ಮ|| 556 ||
ಅಂತರಂಗದ ಗವಾಕ್ಷಗಳ ತೆರೆದಿಡಲಲ್ಲಿ ಚಿಂತೆ ಕುಮುಲುವುದು, ಹೊಗೆಗಳೊತ್ತವಾತ್ಮವನು ಶಾಂತಿ ಬೇಳ್ಪೊಡೆ ಮನೆಗೆ ಗೋಡೆವೊಲೆ ಸಂತತದಪೇಕ್ಷಿತವೋ – ಮಂಕುತಿಮ್ಮ|| 557 ||
ಆಳವನು ನೋಡಿ ಬಗೆದಾಡುವಾ ಮಾತಿಂಗೆ ರೂಢಿಯರ್ಥವದೊಂದು ಗಾಢಾರ್ಥವೊಂದು ವಾರಿಧಿಯ ದಾಂಟುವುಡುಪಕೆ ಗಾಳಿಪಟವೊಂದು ಕೋಲು ಹುಟ್ಟೊಂದು ಬಲ – ಮಂಕುತಿಮ್ಮ|| 558 ||
