ಶೀರ್ಷಿಕೆ – ನೂರು ಜಡೆ ಕೋಲಾಟ
ಓರೊರ್ವನಿಚ್ಚೆಗುಣವೊಂದೊಂದು ಬಗೆ ಜಗದಿ ಭಾರಮೋರೊರ್ವನಿಂಗೊಂದೊಂದು ತೆರದಿ ದಾರಗಳಿನವರ ವಿಧಿ ಪಿಡಿದು ಕುಣಿದಾಡಿಸಲು ನೂರುಜಡೆಕೋಲಾಟ – ಮಂಕುತಿಮ್ಮ|| 334 ||
ಆವ ಜನ್ಮದ ಋಣವೊ, ಆವ ಕರ್ಮದ ಕಣವೊ ಮಾವಾಗಿ ಬೇವಾಗಿ ಸಂಸಾರ ವನದಿ ಜೀವಕೀಂಟಿಪುವು ಮಾದಕದ ರಸಪಾನಗಳ ಭಾವಜ್ವರಂಗಳವು – ಮಂಕುತಿಮ್ಮ|| 335 ||
ನಿನ್ನ ಜೀವಿತವೆಲ್ಲ ನಿನ್ನ ಕೈಮಾಲ್ಕೆಯೇಂ? ಅನ್ಯಶಕ್ತಿಗಳೆನಿತೊ ಬೆರೆತಿರುವುವಲ್ಲಿ ಅನ್ನವಿಡುವರು, ತಿಳಿವನೀವರ್, ಒಡನಾಡುವರು ನಿನ್ನ ಬಾಳ್ಗಿವರಿರರೆ?- ಮಂಕುತಿಮ್ಮ|| 336 ||
ಅನಿಲಗುಣ ಭೂಗುಣಗಳಿಂ ಸಸ್ಯಧಾನ್ಯಗುಣ ತನುಗುಣಗಳನ್ನದಿಂ, ಮನದ ಗುಣ ತನುವಿಂ ಜನಪದವಿಧಂಗಳಿಂತಾಗಿಹವು ಸೃಷ್ಟಿಯಿನೆ ಮನುವೊಬ್ಬ,ಜನತೆ ಶತ – ಮಂಕುತಿಮ್ಮ|| 337 ||
ಓರ್ವ ನಾನೆಂದು ನೀನೆಂತು ತಿಳಿಯುವೆ ಜಗದಿ? ನೂರ್ವರಣಗಿಹರು ನಿನ್ನಾತ್ಮ ಕೋಶದಲಿ ಪೂರ್ವಿಕರು, ಜತೆಯವರು,ಬಂಧುಸಖಶತ್ರುಗಳು ಸರ್ವರಿಂ ನಿನ್ನ ಗುಣ – ಮಂಕುತಿಮ್ಮ|| 338 ||
