ಶೀರ್ಷಿಕೆ – ಜೀವ ಪೂಜೆ
ನಯದಿಂದ ಸೋಕು, ನೀಂ ದಯೆಯಿಂದ ನೋಡದನು ಬಯದಿನೋಲಗಿಸು,ನೀಂ ಪೂಜೆಗೈಯದನು ಸ್ವಯಮಂಕುರಿತ ಸಕಲ ವಿಶ್ವಸತ್ವವೋ;ಜೀವ ಪ್ರಿಯತಮವೋ ಸೃಷ್ಟಿಯಲಿ-ಮಂಕುತಿಮ್ಮ|| 274 ||
ಸರ್ವರುಂ ಸಾಧುಗಳೆ ಸರ್ವರುಂ ಬೋಧಕರೆ ಜೀವನ ಪರೀಕ್ಷೆ ಬಂದಿದಿರು ನಿಲುವನಕ ಭಾವಮರ್ಮಂಗಳೇಳುವುವಾಗ ತಳದಿಂದ ದೇವರೇ ಗತಿಯಾಗ – ಮಂಕುತಿಮ್ಮ|| 275 ||
ಎಲ್ಲರುಂ ಜಿತಮನಸ್ಕರೆ ದೈವ ವಿಧಿ ಮಾಯೆ ಚೆಲ್ವುರೂಪಿಂ ಬಂದು ಕಣ್ಕುಕ್ಕುವನಕ ವಲ್ಗುರೂಪೆ ಸುಭದ್ರೆ;ಕಣ್ಮುಂದೆ ಸುಳಿವನಕ ಫಲ್ಗುಣನು ಸಂಸ್ಯಾಸಿ – ಮಂಕುತಿಮ್ಮ|| 276 ||
ಧಾರುಣೀಸುತೆಯವೊಲು ಧೃಡಮನಸ್ಕರದಾರು? ಮಾರೀಚಹರಿಣವಡ್ಡಾಡಲೇನಾಯ್ತು ? ವಾರಿಧಿಯೋಳಡಗಿ ನಿದ್ರಿಪ ಬಾಡವವೋ ತೃಷ್ಣೆ ಆರದನು ಕೆರಳಿಪರೋ – ಮಂಕುತಿಮ್ಮ|| 277 ||
ಆನೆಗಾರ್ ಇರುವೆಗಾರ್ ಕಾಗೆಗಾರ್ ಕಪ್ಪೆಗಾರ್ ಕಾಣಿಸುವರನ್ನವನು? ಹಸಿವವರ ಗುರುವು ಮಾನವನುಮಂತುದರಶಿಷ್ಯನವನಾ ರಸನೆ ನಾನಾವಯವಗಳಲಿ- ಮಂಕುತಿಮ್ಮ|| 278 ||
